Varnarmálaráðuneyti Ísraels notar sprotafyrirtæki í baráttunni við COVID-19

Grein af vefsíðunni „The Jerusalem Post“

Frá ritstjórn JERUSALEM POST, 10. apríl, 2020
„Við vonumst til þess að með því að framkvæma áreiðanleikakönnun á erlendum birgjum og hraða þannig ferlinu í aðfangakeðjunni þá verði sjúkrahús betur í stakk búin til að takast á við kórónuveiruna.“

Fraktflutningavél nýkomin frá Kína með hjúkrunartæki og -vörur, sem gagnast í baráttunni við kórónavírusinn - Ben-Gurion flugvöllur, 6. apríl 2020 (photo credit: EL AL/DEFENSE MINISTRY)
Fraktflutningavél nýkomin frá Kína með hjúkrunartæki og -vörur, sem gagnast í baráttunni við kórónavírusinn - Ben-Gurion flugvöllur, 6. apríl 2020 (photo credit: EL AL/DEFENSE MINISTRY)
Á einungis tíu árum hefur meðlimum MIFF samtakanna í Noregi fjölgað úr 2.000 í um 11.000 félaga. Ef íslenskir vinir Ísraels þétta raðir sínar á sama hátt getum við byggt upp hreyfingu sem afhjúpar falsfréttir, flutt nýjustu fréttir um Ísrael og verið farvegur þeirra sjónarmiða. Þetta gerum við m.a með því að byggja upp góðan upplýsingagrunn með faglegri heimasíðu og nýta mátt samfélagsmiðla til að koma upplýsingum áleiðis.
Vertu með í MIFF á Íslandi

Varnarmálaráðuneytið í Ísrael hefur ráðið ísraelskt sprotafyrirtæki til að meta framleiðendur lækningatækja um heim allan.  Sprotafyrirtækið Qlarium, notar kerfi sem byggir á gervigreind (AI) til að gefa mynd af áreiðanleika einstakra birgja, t.d. í Kína. Fyrirtækið safnar upplýsingum á kínversku frá ólíkum miðlum og dregur þær saman í greinargóða skýrslu um einstaka framleiðendur.

Á nokkrum mínútum gerir tæknin ákvörðunaraðilum í innkaupadeild ráðuneytisins kleift að meta áreiðanleika birgjans, hvort hann sé ósvikinn eða ekki og þar af leiðandi hvort vænlegt sé að kaupa af honum vörur eða tæki.

Qlairum greinir upplýsingar í rauntíma frá þriðja aðila, án aðkomu birgisins sem um ræðir. Kerfið sækir upplýsingar frá tugum kínverskra gagnabanka, greinir þær og setur fram í heildstæða greiningarskýrslu.

Varnarmálaráðuneytið notar Qlarium til að finna besta mögulega framleiðandann í hverju tilviki og sneiðir þannig fram hjá óþarfa milliliðum, lélegum tækjum og platfyrirtækjum.

Samhliða ástandinu með kórónuveiruna þá höfum við rekist á fjölmörg fyrirtæki sem hafa engan trúverðugleika; þ.e. bjóða þjónustu sem þau geta ekki sinnt eða veitt til skamms tíma,“ segir Yaron Shapira, forstjóri Qlarium. „Við höfum tekið ákveðin skref með svona samskipti og vonumst til þess að með svona áreiðanleikakönnunum takist okkur að hraða ferlinu í aðfangakeðjunni og sjúkrahús verði þannig betur í stakk búin til að takast á við COVID-19, efnahagslífið nái sér hraðar og verði komið í fulla framleiðslu fyrr en ella.

Svo tekið sé dæmi þá samræmdi varnarmálaráðuneytið afhendingu hvarfefna, sem komu til Ísraels fyrir stuttu, og eru fyrir tugþúsundir kórónuveiruprófa auk 30.000 hlífðarklæða fyrir hjúkrunarstarfsfólk, sem komu frá Suður-Kóreu.

Ég þakka varnarmálaráðuneytinu og flugfélaginu El Al sem við sendum heimshorna á milli, til að flytja hjálpartæki til landsins“, sagði varnarmálaráðherrann Naftali Bennett. „Við höldum áfram að starfa af fullum krafti og á alla mögulega vegu, bæði með framleiðslu hér heima og á alþjóðavettvangi.“

Maayan Jaffe-Hoffman lagði sitt af mörkum við skrif þessarar greinar.

Greinin er þýdd af Hafsteini G. Einarssyni. Upprunalega greinin á ensku er hér.

DEL
Tidligere artikel72 eþíópískir Gyðingar fengu inngöngu í Ísrael
Næste artikelBúið er að fjarlægja Ísrael úr nýju biblíuþýðingunni
Lesendum er velkomið að skrifa athugasemdir við fréttina!

MIFF samtökin hafa allt frá árinu 2001 veitt meðlimum þess og andstæðingum fullt málfrelsi á fréttasíðunni að eftirfarandi skilyrðum uppfylltum. Að skrifað sé undir réttu nafni. Að færslan sé málefnaleg. Að færslan sé laus vð áreitni og/eða einelti. Við brot á þessum reglum verður lokað á viðkomandi.