Ísrael býður Líbanon mannúðaraðstoð

Drónamyndskeið tekið á miðvikudagsmorguninn sýnir gríðarmikla eyðileggingu í Beirút, höfuðborg Líbanons.

Mynd: Skjáskot úr myndskeiðinu.
Mynd: Skjáskot úr myndskeiðinu.
Á einungis tíu árum hefur meðlimum MIFF samtakanna í Noregi fjölgað úr 2.000 í um 11.000 félaga. Ef íslenskir vinir Ísraels þétta raðir sínar á sama hátt getum við byggt upp hreyfingu sem afhjúpar falsfréttir, flutt nýjustu fréttir um Ísrael og verið farvegur þeirra sjónarmiða. Þetta gerum við m.a með því að byggja upp góðan upplýsingagrunn með faglegri heimasíðu og nýta mátt samfélagsmiðla til að koma upplýsingum áleiðis.
Vertu með í MIFF á Íslandi

Ísrael hefur boðið grannríkinu Líbanon mannúðaraðstoð eftir stærðarinnar sprengingu sem átti sér stað í höfuðborginni Beirút á þriðjudaginn, samkvæmt grein Times of Israel. Að minnsta kosti 100 manns létu lífið og þúsundir særðust eftir sprenginguna.

„Ísrael hefur haft samband við Líbanon í gegn um alþjóðlegar varnar- og samskiptaleiðir og boðið líbönskum yfirvöldum mannúðaraðstoð,“ sagði varnarmálaráðherrann Benny Gantz og utanríkisráðherrann Gabi Ashkenazi.

Benjamín Netanjahú, forsætisráðherra, segir að hann hafi fyrirskipað þjóðaröryggisráðgjafa sínum Meir Ben Shabbat að ræða við fulltrúa Sameinuðu þjóðanna í Mið-Austurlöndum, Nickolay Mladenov, um hvernig Ísrael geti veitt Líbanon aðstoð.

Forseti Ísraels, Reuven Rivlin, skrifaði á Twitter á ensku, arabísku og hebresku: „Við deilum þjáningu líbönsku þjóðarinnar og við réttum einlæglega fram hjálparhönd á þessum erfiðu tímum.“

Ísrael hefur háð nokkur stríð í Líbanon, þar sem hryðjuverkasamtökin Hizbollah – fjármögnuð af Íran – eru hluti líbönsku ríkisstjórnarinnar og hafa útrýmingu Ísraels á stefnuskrá sinni. Frá árinu 1982 til ársins 2000, náði Ísrael á sitt vald syðsta hluta Líbanons í þeim tilgangi að reka þaðan palestínska hryðjuverkahópa sem höfðu hreiðrað um sig þar. Auk þess háði Ísrael skætt stríð gegn Hizbollah-samtökunum í landinu árið 2006.

Í tengslum við mannúðaraðstoðina, skrifar Varnarher Ísraels á Twitter að á þessum tímapunkti þurfi að líta fram hjá deilunni á milli ríkjanna. Samt sem áður er ekki búist við því að Líbanon samþykki tilboð Ísraels um mannúðaraðstoð, þrátt fyrir hina miklu neyð sem ríkir nú í landinu.

Samkvæmt forsætisráðherra Líbanons, Hassan Diab, kviknaði í vörugeymslu við höfnina í Beirút sem innihélt 2.750 tonn af sprengiefni sem var líklega ammóníumnítrat. Sprengiefnið virðist hafa verið geymt í borginni í sex ár.

 

DEL
Tidligere artikelLengi lifir í gömlum glæðum – Gyðingahatur í gegn um tíðina
Næste artikelÞrýst á Facebook að innleiða staðlað regluverk um Gyðingahatur
Lesendum er velkomið að skrifa athugasemdir við fréttina!

MIFF samtökin hafa allt frá árinu 2001 veitt meðlimum þess og andstæðingum fullt málfrelsi á fréttasíðunni að eftirfarandi skilyrðum uppfylltum. Að skrifað sé undir réttu nafni. Að færslan sé málefnaleg. Að færslan sé laus vð áreitni og/eða einelti. Við brot á þessum reglum verður lokað á viðkomandi.