Sögulegt samkomulag við Araba

Tilkynnti Donald Trump Bandaríkjaforseti um samkomulagið með tísti á samfélagsmiðlinum Twitter…

Sögulegt samkomulag
Sögulegt samkomulag
Á einungis tíu árum hefur meðlimum MIFF samtakanna í Noregi fjölgað úr 2.000 í um 11.000 félaga. Ef íslenskir vinir Ísraels þétta raðir sínar á sama hátt getum við byggt upp hreyfingu sem afhjúpar falsfréttir, flutt nýjustu fréttir um Ísrael og verið farvegur þeirra sjónarmiða. Þetta gerum við m.a með því að byggja upp góðan upplýsingagrunn með faglegri heimasíðu og nýta mátt samfélagsmiðla til að koma upplýsingum áleiðis.
Vertu með í MIFF á Íslandi

Síðan samkomulag náðist við ríkin tvö sem áður stýrðu umdeildu svæðunum sem Palestínuarabar búa á undir yfirráðasvæði Ísraelsríkis, Jórdaníu og Egyptaland árið 1994 í kjölfar Oslóar samkomulagsins 1993, hefur ekkert arabaríki viðurkennt tilvistarrétt Ísrael, þar til nú.
Í dag, fimmtudaginn 13. Ágúst 2020 gerðist nefnilega sá sögulegi atburður að Sameinuðu arabísku furstadæmin hafa samþykkt að koma á formlegum samskiptum við Ísraelsríki, með milligöngu Bandaríkjanna.

Tilkynnti Donald Trump Bandaríkjaforseti um samkomulagið með tísti á samfélagsmiðlinum Twitter en í því felst að Ísrael hætta við innlimun svæða á Vesturbakka Jórdanárinnar, eða Júdeu og Samaríu eins og Ísraelsmenn kalla svæðið sem deilt er um, sem Trump hafði áður ljáð máls á.
Innlimunin hafði verið liður í friðaráætlun Trump´s fyrir svæðið, en nú virðist sem Ísraelsmenn hafi sæst á að vinna heldur að því að koma á eðlilegum milliríkjasamskiptum við arabaríkin. Mörg hver þeirra sjá eflaust hag í samkomulagi við Ísrael enda hafa þau löngum eldað grátt silfur við einn helsta andstæðing Ísraels á svæðinu, Íran sem stutt hefur við hryðjuverkasamtök eins og Hamas og Hezbollah sem staðið hafa í linnulitlum árásum á Ísrael.

Það er þó ekki lengra síðan en 2018 sem keppendur Ísraels á alþjóðlegri júdókeppni í Abu Dhabi borg í furstadæmunum gátu ekki keppt undir eigin fána vegna banns í landinu við að flagga merkjum landsins.

Enn banna þó 22 ríki allt beint flug frá eða yfir Ísrael, og 31 ríki Sameinu þjóðanna viðurkenna ekki tilvist ríkisins, þar af 17 ríki Arababandalagsins. 16 ríki samþykkja ekki vegabréf Ísraelsmanna, en á móti mega handhafar vegabréfa nokkurra ríkja ekki ferðast til Ísraels.

Von um frekari samstarf og samkomulag milli ríkjanna fyrir botni miðjarðarhafs ætti að vera fagnarefni allra friðelskandi manna og kvenna, því viðskipti og önnur samskipti eru forsenda friðar. Vonandi verða Íslendingar áfram með Ísrael og öðrum ríkjum svæðisins fyrir frið.

DEL
Tidligere artikelÞrýst á Facebook að innleiða staðlað regluverk um Gyðingahatur
Næste artikelSniðgöngusamtök sem vinna gegn friði
Lesendum er velkomið að skrifa athugasemdir við fréttina!

MIFF samtökin hafa allt frá árinu 2001 veitt meðlimum þess og andstæðingum fullt málfrelsi á fréttasíðunni að eftirfarandi skilyrðum uppfylltum. Að skrifað sé undir réttu nafni. Að færslan sé málefnaleg. Að færslan sé laus vð áreitni og/eða einelti. Við brot á þessum reglum verður lokað á viðkomandi.