Um 250.000 manns tóku þátt í Gay-Pride göngunni í Tel-Aviv föstudaginn 14.júní. Gay-Pride gangan í Tel-Aviv er sú stærsta í Asíu og eins sú stærsta í öllum heiminum. Auk heimamanna laðar gangan til sín um 30.000 ferðamenn árlega, skrifar fréttamiðillinn Ha’aretz.
Á meðan fordómar gagnvart lesbíum, samkynhneigðum, tvíkynhneigðum og transfólki eru mjög miklir í flestum miðausturlöndum, er Tel-Aviv ein vinalegasta borg í heimi gagnvart LGBT-fólki.
Fulltrúi gleðigöngunnar í Tel-Aviv var sjónvarpsstjarnan Neil Patrick Harris, sem flestir þekkja úr þáttunum How I Met Your Mother.
