Search
Æsingamenn frá Gaza reyna að brjótast yfir landamærin til Ísraels (Mynd: IDF)

Af hverju fjölmiðlar hafa rangt fyrir sér varðandi átökin á Gaza

Það er erfitt að ímynda sér fréttamiðla taka undir kröfur annarra íslamskra hryðjuverkahópa eins og ISIS og Al Queda. Engu að síður hefur sú orðið raunin með Hamas er þeir virða að vettugi sönnunargögn; myndskeið og ljósmyndir sem sýna Palestínumenn koma fyrir sprengibúnaði, bera vopn, hnífa og Molotov-kokteila (bensínsprengjur) og jafnvel setja á loft sprengjubúna flugdreka skreytta hakakrossinum.

Vestræna blaðamenn, sem færa fréttir af átökunum milli Araba og Ísraela, þarf að fræða betur. Margir þeirra hafa varið undanförnum vikum í að bergmála yfirlýsingar Hamas og mistekið hryðjuverkamenn fyrir “mótmælendur”. Með þessu hafa þeir hjálpað samtökum sem Bandaríkin skilgreina sem hryðjuverkasamtök í áformum sínum, að gera lítið úr og knésetja Gyðingaríkið. Þeir ættu að vita betur.

Frá marslokum 2018 hefur Hamas sent hryðjuverkamenn – í skjóli almennra borgara sem notaðir eru sem mannlegir hlífskildir – til að reyna að komast yfir landamærin sem skilja milli Ísrael og Gaza.

Hamas hefur titlað þessa langvarandi aðgerð – þar sem meðlimir hafa verið úr röðum annarra skilgreindra hryðjuverkasamtaka eins og “Palestinian Islamic Jihad (PIJ) – “The Great Return March (Ganga hinnar miklu endurkomu)”. Þessir hryðjuverkahópar vonast til að geta fórnað eigin borgurum í þeim tilgangi að koma Ísrael í vonlausa aðstöðu. Ef hryðjuverkamönnum tekst að komast yfir landamærin og eyðileggja valdastöðu Ísraels og stofna borgurum þeirra í hættu, sigra þeir. Ef Ísrael ver sig með þeim afleiðingum að Gaza-búar deyja, er hún fordæmd af talsmönnum mannréttindasamtaka, sem hafa vinda auðtrúa fjölmiðla í seglunum sínum.

Eins og Matti Friedman, fyrrverandi hermaður í ísraelska hernum og blaðamaður AP uppgötvaði, þá vissi Hamas að, “Fjölmiðlum gæti verið treyst til að fjalla um dauðar manneskjur; ekki þá sem fórnarlömb hryðjuverkasveitarinnar sem stjórnar lífum þeirra eða röð sorglegra atburða, heldur fórnarlömb óafsakanlegrar slátrunar Ísraelsmanna.

Hamas-samtökin halda engu aftur er þau færa heiminum ógeðslega sýningu, þar sem þeir borga og safna saman mótmælendum -en þeir koma með börn og fatlaða að landamærunum, í þeirri von um að byssukúla rati í líkama þeirra. Samtökin hafa einmitt brugðið á það ráð að brenna hjólbarða og nota spegla til að byrgja leyniskyttum sýn, er þær leita að hryðjuverkaleiðtogum sem fela sig meðal borgara.

Í einni ofbeldisbylgjunni sem hófst 14. maí 2018, voru allt að 62 Gazabúar sagðir hafa verið drepnir og rötuðu þær upplýsingar á forsíður fréttamiðla eins og The New York Times og The Washington Post o.fl. – allir endurtóku yfirlýsingar sem komu frá heilbrigðisstofnuninni sem Hamas stýrir og innifólu upphrópanir eins og “mótmælendur myrtir”, “vægðarlaus valdbeiting” og “þungar skothríðir”.

Sumir fréttamiðlar eins og USA Today vitnuðu í yfirlýsingar frá and-ísraelskum talsmanni Sameinuðu þjóðanna, Michael Link, sem sagði að “mótmælendurnir” hefðu verið “að mestu óvopnaðir”. Margir sérfræðingar tengdu blóðsúthellingar á Gaza við hátíðir tengdar vígslu nýflutts bandarísks sendiráðs til Jerúsalem – og héldu meira að segja fram að flutningur sendiráðsins væri orsök ofbeldisins.

Tveimur dögum síðar sagði Salah Bardawil, valdamikill leiðtogi Hamas, við palestínska fréttamiðilinn Baladna TV, að “50 af píslarvottunum voru úr röðum Hamas og hinir 12 hafi verið almennir borgarar”. Hann bætti við, “Þetta eru staðfestar tölur.”

Í stuttu máli var yfirgnæfandi fjöldi þeirra “mótmælenda” sem féllu í valinn í raun hryðjuverkamenn. Þá höfðu fréttamiðlar allar ástæður til að áætla að sú væri raunin. Þann 26. apríl, 2018, gaf Meir Amit hjá Intelligence and Terrorism Information Center út skýrslu sem leiddi í ljós að þeir Palestínumenn sem fallið höfðu fram að þessu í “Great Return March,” 32 talsins – eða 80%” – tengst hryðjuverkahópum.

Einmitt samkvæmt þýðingu frá Middle East Media Research Institute (MEMRI), viðurkenndi Hamasleiðtoginn Magmoud al-Zahar í útsendingu á Al-Jazeera 13. maí, 2018 að samtökin væru “að blekkja almenninginn” þegar þau lýstu yfir að “The March of Return” gangan væri friðsamleg andspyrna. Þetta var, sagði hann með stolti, “skýr huglæg blekking”.

Engu að síður héldu margir blaðamenn frá fréttamiðlum eins og The Washington Post, The New York Times, USA Today, NPR og fleirum, áfram að segja hina látnu hafa verið mótmælendur og lögðu litla eða enga áherslu á að “The March of Return” mótmælin væru skipulagður áróður sem Hamas-samtökin væru ábyrg fyrir. Í stuttu máli: Þeir virtu að vettugi hvað Hamas samtökin eru og hafa alltaf verið.

Hamas-samtökin hafa alltaf reynt að koma höggi á ísraelska borgara og notað til þess palestínska borgara sem mannlega skildi – sem er tvöfaldur stríðsglæpur. Samtökin hafa notað skólabyggingar til að fela vopn sín, tækjabúnað og árásarmenn, og ekki er lengra síðan en í átökunum við Ísrael árið 2014 að Hamas notaði sjúkrabifreiðar sem “flutningabifreiðar” og spítala sem “stjórnstöðvar”.

Frá því að Hamas var stofnað út frá “Muslim Brotherhood” árið 1987 hefur Hamas opinberað tilgang sinn á skýran hátt. Stofnsamþykktir samtakanna kalla á eyðingu Ísrael og þjóðarmorð Gyðinga – meira að segja með tilvitnun í hugarfóstur Hitlers; “Mein Kampf”. Allt frá því að Ísrael gaf eftir Gaza-ströndina árið 2005, hafa Hamas-samtökin stofnað til ekki færri en þriggja styrjalda gegn Gyðingaríkinu – 2008, 2012 og 2014 – auk þess að gera tíðar eldflaugaárásir sem hófust stuttu eftir að samtökin komust til valda árið 2007.

En þrátt fyrir allt hafa fréttamiðlar þeir sem greint hafa frá nýjustu bylgju ofbeldisfullra mótmæla við landamærin, kosið að þegja yfir sögu og þjóðarmorðsáætlun Hamas. Þess í stað hefur fjöldi fjölmiðlafulltrúa athugasemdalaust bergmálað yfirlýsingar palestínsku heilbrigðisstofnunarinnar um dauðsföll – stofnun undir stjórn Hamas sem hefur sama ásetning; að gera lítið úr og eyða Ísrael.

Það er erfitt að ímynda sér fréttamiðla taka undir kröfur annarra íslamskra hryðjuverkahópa eins og ISIS og Al Queda. Engu að síður hefur sú orðið raunin með Hamas er þeir virða að vettugi sönnunargögn; myndskeið og ljósmyndir sem sýna Palestínumenn koma fyrir sprengibúnaði, bera vopn, hnífa og Molotov-kokteila (bensínsprengjur) og jafnvel setja á loft sprengjubúna flugdreka skreytta hakakrossinum. Eins og 19 ára gamall Gazabúi sagði hreykinn við blaðamann NPR, “Við viljum brenna Gyðingana…þetta er nákvæmlega það sem við viljum að þeir viti.”

En eins og venjulega, þegar kemur að Ísrael, þá virðast ekki sömu reglur gilda um þá þjóð eins og aðrar. Áræðnir hryðjuverkamenn eru meðhöndlaðir sem forréttindafórnarlömb í stað þess að vera meðhöndlaðir eins og manneskjur sem færar eru um sjálfstætt framtak. Margir fjölmiðlafulltrúar virðist líta á deilu Ísraelsmanna og Palestínumanna sem röð einhvers konar bardagafrásagna, í stað þess að sjá kaldar og harðar staðreyndir – hversu óþægilegar sem þær kunna að vera. Staðreyndin er enn sú: Hamas eru hryðjuverkasamtök með þjóðarmorð á stefnuskrá sinni. Friðsamleg mótmæli fela ekki í sér ofbeldi. Þá gildir einu hversu oft fyrirsagnir segja það, hryðjuverkamenn eru ekki mótmælendur.

Sean Durns er yfirrannsóknarsérfræðingur 65.000 manna nefndar sem staðsett er í Boston, “Committee for Accuracy in Middle East Reporting in America” (CAMERA).

Share on Facebook
Share on Twitter
Email
WhatsApp
Telegram
Print