Rina, 17 ára ísraelsk stúlka, var myrt. Faðir hennar og bróðir alvarlega særðir í hryðjuverkaárás

17 ára ísraelsk stúlka lést þegar hryðjuverkamenn sprengdu sprengju við Ein Bubin-brunninn á Vesturbakkanum þennan föstudagsmorgun. 19 ára gamall bróðir hennar og 46 ára faðir særðust einnig alvarlega í árásinni. Talsmaður Varnarhers Ísraels (IDF) segir að ekki sé enn á hreinu hvort sprengjunni hafi verið kastað í átt að fjölskyldunni eða að fjölskyldan hafi einfaldlega verið þar sem sprengjunni hafði verið komið fyrir.

Björgunarsveitarmenn hlúa að þremur alvarlega særðum manneskjum: 46 ára karlmanni, 19 ára karlmanni og 17 ára stúlku,“ var haft eftir sjúkrabílaþjónustu svæðisins, skv. frétt Times of Israel.

Faðirinn og sonurinn voru fluttir með þyrlu á sjúkrahúsið í Jerúsalem með alvarlega áverka, á sama tíma og 17 ára dóttirin hlaut meðferð við lífshættulegum áverkum á staðnum. Hún komst ekki lífs af. Árásin átti sér stað á sama svæði og Dani Gonen var drepinn af hryðjuverkamönnum árið 2015.

17 ára stúlkan sem lést hét Rina Schnerb frá borginni Lod í Ísrael.

Undanfarið hefur fjöldi hryðjuverkaárása gegn Ísraelsmönnum aukist á Vesturbakkanum. Hinn 18 ára Dvir Sorek var stunginn og myrtur fyrr í ágúst , og föstudaginn síðastliðinn keyrði palestínskur hryðjuverkamaður á stolnum bíl á tvo ísraelska unglinga. Unglingarnir særðust báðir alvarlega í tilræðinu.

Stórar sérsveitir leita nú hryðjuverkamannanna sem stóðu á bak við þessa nýjustu árás. Vegatálmar hafa verið lagðir yfir stóra hluta Vesturbakkans til að aðstoða við leitina.

Þyrla Varnarhers Ísraels yfir svæðinu sem hryðjuverkaárásin átti sér stað að morgni föstudagsins 23. ágúst 2019. (Mynd fengin úr myndskeiði sem birtist á Twitter)

 

Share on Facebook
Share on Twitter
Email
WhatsApp
Telegram
Print