Ég vil að Ísland sé þekkt fyrir frábært íþróttafólk, fallegt land, lopapeysur, fjölbreytileika, skyr og vinalegt fólk sem talar fallega um og tekur vel á móti öllum kynþáttum og kynhneigðum; ekki fyrir virðingarleysi, dónaskap og gyðingahatur sem nú er því miður raunin.
Þessi uppspunna frétt hér að neðan ýkir um leið og hún hugsanlega afhjúpar hlutdrægni fréttamiðla. Þó eru sumir sem munu ekki átta sig á þessu; blindaðir af fjölmiðlareyknum sem kæfir dómgreind og rökhugsun allt of margra lesenda.
Það er erfitt að ímynda sér fréttamiðla taka undir kröfur annarra íslamskra hryðjuverkahópa eins og ISIS og Al Queda. Engu að síður hefur sú orðið raunin með Hamas er þeir virða að vettugi sönnunargögn; myndskeið og ljósmyndir sem sýna Palestínumenn koma fyrir sprengibúnaði, bera vopn, hnífa og Molotov-kokteila (bensínsprengjur) og jafnvel setja á loft sprengjubúna flugdreka skreytta hakakrossinum.
Ef fréttamenn leyfa sér að kalla slíkar afar herskáar aðgerðir “friðsamlegar” þá gengur slík skilgreining í berhögg við hvernig við sjálf skilgreinum friðsamleg mótmæli hér á heimavelli.
“Palestínsku flóttamennirnir” eru einu “flóttamennirnir” sem geta öðlast slíka skilgreiningu án þess að hafa verið gerðir brottrækir úr landi, án þess að vera á flótta frá átökum, hungursneyð eða náttúruhamförum.
MIFF á Íslandi – fyrsta skrefið stigið!
Sú var tíðin að áhyggjulaust mátti vitna í niðurstöður Sameinuðu þjóðanna í mannréttindamálum, en nú í seinni tíð hefur Mannréttindaráð S.Þ. sætt mikilli gagnrýni fyrir anti-semetísk viðhorf. Það er kannski ekki að undra þegar vægi þeirra sem kalla á eyðingu Ísrael verður stöðugt meira. Saudi-Arabía, sem er ekki beint fyrirmynd mannréttinda í dag, er nú farin að gegna lykilhlutverki í ráðinu. Samkvæmt Human Rights Watch voru a.m.k. nítján teknir af lífi í Saudi Arabíu fyrir minniháttar glæpi; þar af einn fyrir galdra. Þá er tjáningarfrelsið ekki meira en það að fólk er húðstrýkt fyrir að tjá sig um hluti sem samræmast ekki stefnu stjórnvalda.
© 2021 Med Israel för fred Island
